Dembangi tu diam Sejara saujar Gipun rangit bana

TA’ elau tu 78 entaun limpas, Panglima Alli kok murip-murip ni  benono’ antap rangit le’ saujar Gipun ta’ Petagas, sikot Api-Api besomo angguta’ Gerila Kinabalu kepala’ gaai Albert Kwok.

Ensen pan gai enggaai jomo Albert Kwok tapi ai tinondos nuut mio pasal somo-somo benono’ le’ saujar Gipun.

Sejara gi Albert Kwok nidokop e nironon pemberuntakan 10 Oktober 1943 antawa `Dabal Sepu’ selajur ni binono’ ule’ saujar Gipun ta’ elau 21 Januari 1944.

Pian kok pian pan, sebana ni nia’ gi Panglima Alli nuut mio, suma’ ai somo-somo nilabuan ukuman bono’.

Panglima Alli bangso ni Sama Ubian dangan lua’ 324 rayat tempatan Sabah benono’ sesara rangit  ta’ 21 Januari 1944 kok sejara gai tinangun ta’ tugu Taman Peringatan Petagas.

Diom wawancara kok anak Panglima Alli, Damiah ta’ taun 2007, yo mara’ arwa beliau ni ngelikutan Albert Kwok, ma'na ni nia' nuut ta' bangso pekemit e.

Gai ngelonon British kok Gipun besomo bangso Sama temban ta’ Jesselton, Kota Belud kok Kudat.