Ding kuruk pandai meniik poon kayu?

Ding kuruk tenoo untuk penedagang ta' Kampung Kaguraan, Kota Belud taun Gambar Kutubkhanah Azrone 24 Januari 2010.

DING kuruk iyono bibit ding lebak taan lasak, buli ellum enselangan penigal kok tanah too’ bebuan buan pan beta ni, nia’ ngini ngini.

Ding tu pandai lemele’ ta’ tana’ base’, kok buli pesil memanuk mangan ni pasal keras bana badan, sisik kok sere’ ni.

Ta’ buan Jun 2015 sabah taim mu' Australia, Daily Mail muat lapuran, ding tu kono’ pandai meniik poon kayu.

Nia’ sab aku pesoyo, pasal nia’ boi boi tekito ku.

Eko bana ding tu mu’ Lebak Tana’, Lebak Selengkutai kok Lebak Keranjangan. Nyaun boi-boi tekito ku meniik poon kayu sab sebeta ku ellum.

Am lebak too’ le’ pengellaw , ding kuruk posok endiam lebo’. 

Ding kuruk pan buli  ellum ta’ diam bua’ suang bue’ ni rengin.

Am musim penguran, un ben ni ding kuruk tu menaau taan seniud loso.

Tintam ku lagu penyanyi lejenda Sama, arwah AK Muhiddin ‘Ding kuruk sukup menakan, amun tinunu’ mamut nia’ kesegaan’.