Eko pelansung pesorong melaat

RAMAI bana lagi jomo ta’ ipot antarabangso Kota Kinabalu ma’na ni pelansungan Sabah kakal elum selapas laat binuka balik bagas perinta kawalan pegerakan bepunsa pandemik COVID-19.

 

Pesorong kam!.

Muda-mudaan pan pandemik tu lingau melaian junya do’ sektor pelansungan jaji pendapatan laat kok pengusaa pelansungan dediki teko penekelum balik.

Eko pan sumbangan sektor pelansungan tu ta’ bangan bangso ti, semisal ni medagang krap tangan ta’ semio antawa pasaraya kok ensedi-sedi laan.

 

Ramai bana ipot KK.

Tudung duang dediki kok guuk iyono antara beneli le’ pelansung nia’ kiro lua’ Semenanjung ko Sarawak antawa meluar laat dokon England, Peransis kok Amerika Sarikat.

 

Un pan pelansung tu ingin bana mangan makanan tradisi dokon penjaram, bega’ pan bua’ kayu dokon wani kok bambangan.

 

Ba Pesorong kam bangan pelansung.