Penganan te' enggai do' kui sinsim!

 PENGANAN tu emberen do’ boi jaji kui sinsim?.

 

Penganan.- Gambar Kutubkhanah Azrone

 E no pesoko bangso ti ai rungai, ai terua’ paten le’ bangso lain.

Tintam ku taun 1980-an, dekampung jomoti kekelauan nepo buas makai lensungan kok lu’ benuat tepung pemuat penganan.

Setutu telu diam dikau' lensungan nia' lensungan tebalik kok buas nia' temuang.

Sampin bana pedendoon dedau nepo.

Boi begay, semaung ni kurung-kurung pedendoon miri geliga makai perian, petuut me' geliga' nirandang jaji penganan.

Masa penganan e mata’ nironon geliga’, ai datai baru ni penganan.

 

Nepo buas makai lensungan kok lu binuat penganan. -Gambar Kutubkahnah Azrone

Penganan dedau makanan wajib bangso Sama masa nampang elau raya, kawin kok mosoduo.

Penganan pan un penedagang ensemio. Luo ensemio betiru ai teko pasaran junya.

Taun 2019 bara’ Menteri Pembangunan Usahawan masa e, Datuk Seri Mohd Redzuan Yusof ta’ Parlimen, penganan ai no teko pasaran Kanada.