'Sian Bani Manang’, ‘Nerang Separang’ slogan duo kem saujar

'Sian Bani Manang’ slogan Batalion Kesembilan Rejimen Renjer Diraja, Taiping, Perak.

TAIM laan-laan ta' Taiping, Perak endiam buan Ogos 2018 begay, tekito anak ku, Muhammad Azamuddin Mohd Azrone tulisan slogan ling Bajau Sama enjata atap bangunan kem saujar, eyan lagi kami pan memiah laan tungan pesurang memia kem askar e.

Bangga pan ngito slogan Batalion Kesembilan Rejimen Renjer Diraja, Taiping, makai tuturan bangso ti.

Ta' beluang pasik posok ta' batalion e pan un tulisan 'Sian Bani Manang", sampat pan aku begambar me'.

 

Begambar embunda' Kem Sian Bani Manang, Taiping taun 2018.

Dikau' lagi kem saujar makai slogan Bajau Sama iyono Markas Divisyen Kelima Infantri Malaysia, Kem Lok Kawi, Kota Kinabalu. Slogan e iyono ‘Nerang Separang’.

 

Nerang Separang Slogan Kem Lok Kawi

Bangga pan kiti slogan ling Sama pinakai le' duo kem saujar.